Ishtirokchi oliygohlar

NITU MISIS — Moskva shahridagi ilm-fan va texnologiyalar universiteti bo‘lib, materialshunoslik, metallurgiya, konchilik, nanotexnologiyalar, muhandislik va raqamli texnologiyalarga ixtisoslashgan. Universitetda amaliy matematika, fizika, IT, biotexnologiya, iqtisodiyot, menejment va lingvistika yo‘nalishlari ham mavjud. 2026-yilgi qabulda informatika va hisoblash texnikasi, elektronika va nanoelektronika, kimyoviy texnologiya, konchilik, materialshunoslik, metallurgiya va biznes-informatika kabi yo‘nalishlar taqdim etilgan.

MIET — elektronika, mikro- va nanoelektronika, axborot texnologiyalari, muhandislik hamda raqamli tizimlarga ixtisoslashgan milliy tadqiqot universiteti. Shuningdek iqtisodiyot, huquq, psixologiya, lingvistika, dizayn va pedagogika dasturlari mavjud.

NIU VShE — bosh kampusi Moskva shahrida joylashgan ko‘p tarmoqli tadqiqot universiteti. Universitet iqtisodiyot, boshqaruv, axborot texnologiyalari, matematika, fizika, biologiya, muhandislik, huquq, ijtimoiy va gumanitar fanlar, dizayn hamda kommunikatsiyalar yo‘nalishlarida ta’lim dasturlarini amalga oshiradi. 2026-yilda universitetda 41 ta ta’lim yo‘nalishi va mutaxassislik bo‘yicha 120 dan ortiq dastur mavjud.

Kosigin universiteti texnologiyalar, dizayn, san’at va zamonaviy industriyalarni birlashtiradi. Oliygohda muhandislik, IT, iqtisodiyot, gumanitar, ijodiy va farmatsevtika yo‘nalishlari mavjud.

RTU MIREA — axborot texnologiyalari, axborot xavfsizligi, radioelektronika, telekommunikatsiya, sun’iy intellekt va zamonaviy muhandislik texnologiyalariga ixtisoslashgan texnologiya universiteti.

Moskva Politex — muhandislik va loyiha asosidagi ta’limga katta e’tibor qaratadigan ko‘p tarmoqli texnologik universitet. Universitet mashinasozlik, transport, IT, sun’iy intellekt, iqtisodiyot, boshqaruv, dizayn, jurnalistika va kreativ industriya yo‘nalishlarida mutaxassislar tayyorlaydi.